Një 30 vjecar, banues në fshatin Mallkeq të Vlorës është shpallur në kërkim nga policia. Bëhet fjalë për shtetasin Adem Aliaj (Idrizaj). Uniformat blu bënë me dije se 30 vjecari akuzohet për armëmbajtje pa leje. Si rezultat i kontrolleve të shtuara për rritjen e parametrave të sigurisë dhe parandalimin e ngjarjeve të mundshme kriminale, uniformat blu kanë ushtruar kontroll në banesën e këtij shtetasi. Gjatë kontrollit policia gjeti dhe sekuestroi 2 armë zjarri automatik, njëra me silenciator, 1 armë zjarri pistoletë, 6 karikatorë me fishekë, 2 jelek dhe 2 kapele si të Policisë. Materialet i kaluan Prokurorisë së Rrethit Vlorë për veprat penale "Mbajtja pa leje dhe prodhimi i armëve, armëve shpërthyese dhe i municionit" dhe “Mbajtja pa të drejtë e uniformës”. Ndërkohë vijon puna për kapjen dhe vënien e tij përpara përgjegjësisë.