Ndërsa avioni AC-130 J i Forcës Ajrore amerikane fluturon mbi blloqet e larta të apartamenteve të Koresë së Jugut, kamerat e tij të fuqishme pothuajse mund të shohin brenda dritareve në katet më të larta. Ndërsa duke kthyer shikimin më larg, pjesëtarët e ekuipazhit të avionit me katër motorë, me nofkën Ghostrider, mund të zgjedhin shënjestra në lartësi 15 km, pothuajse 16 km larg, si objektiva të mundshme për armën më të madhe të montuar ndonjëherë në një mjet fluturues. CNN ka mundur të filmojë pamje ekskluzive brenda avionit, ndërsa ai fluturoi nga baza e tij në Hurlburt Field, të Floridas, për stërvitje të përbashkëta në Korenë e Jugut. Në një stërvitje me municione të vërteta, obusi 105 milimetërsh lëshoi predha 43 kilogramëshe, në një poligon në lindje të Seulit, forca e çdo shpërthimi ishte aq e fuqishme sa shtyu bishtin e aeroplanit 80 tonësh për dy metra në të djathtë. Rreth tetë sekonda pas gjuajtjes, predhat goditën shënjestrën poshtë duke bërë që tymi të ngrihej drejt qiellit ndërsa trupat shihnin rezultatin e punës së tyre në ekranet e mëdha të vendosura në bordin e avionit. “Dy tanke të shkatërruara”, konfirmon kontrollori. Sipas zyrtarëve amerikanë, prania e AC-130 në këtë stërvitje në korenë e jugut, ka si qëllim të japë një mesazh të qartë për fqinjin e saj, korenë e veriut dhe liderin e saj Kim Jong un. "Kjo tregon se ne jemi gati," thonë ata.