Pas 6 vitesh hetime, në Zvicër nis procesi gjyqësor ndaj dy ish krerëve më të lartë të futbollit, Sepp Blatter dhe Michel Platini, një proces që do të zgjasë dy javë. ish presidenti i FIFA dhe ish kreu i UEFA u shfaqën në salllën e Gjykatës Federale të Krimeve në Bellinzona në jug të Zvicrës për t;iu përgjigjur akuzave për korrupsion. Dyshja Blatter-Platini po gjykohen për shifrën prej 2 milionë Franga Zviceranesh që ish kreu i FIFA i pagoi Platini në 2011 kur francezi ishte në krye të qeverisë së futbollit evropian. Mbi të pandehurit janë ngritur akuzat për mashtrim dhe falsifikim dokumentash. Për më tepër, Blatter akuzohet edhe për keqmenaxhim kriminal dhe shpërdorim detyre, ndërsa Platini është akuzuar si bashkëpunëtor në këto vepra penale.