Autoritetet amerikane janw duke hetuar mbi njoftimet se rreth 80 migrantë mund të jenw bllokuar të hënën në një kamion cisternë dhe nuk po merrnin dot frymë. Njw zyrtar i agjencisë së Emigracionit dhe Doganave u shpreh se autoritetet po hetojnë disa thirrje telefonike në numrin e emergjencës 911 të bëra në afërsi të San Antonios në Teksas.Gjatë njërës prej telefonatave, një person dallohej duke marrë frymë me vështirësi ndërsa dikush tjetër thërriste "ndihmë" në spanjisht, sipas një regjistrimi. Në sfond mund të dëgjoheshin të tjerë që ankoheshin.Njësia hetimore e agjencisë po përpiqet të mësojë nëse incidenti mund të ketë patur lidhje me trafikim personash, tha zyrtari qw kwrkoi tw mos identifikohej.Hetimi vjen ndërsa arrestimet e emigrantëve në kufirin SHBA-Meksikë janë rritur pas rënies së ndjeshme me fillimin e pandemisë së koronavirusit.Zyrtarët amerikanë në janar ndeshën në gati 78,000 migrantë që përpiqeshin të kalonin kufirin jugor në mënyrë të paligjshme ose të cilëve u ishte mohuar hyrja në pikat e kalimit kufitar, një rritje prej 6 përqind krahasuar me muajin e kaluar.Në njërën nga telefonatat, një person tha se një kamion i bardhë me rreth 80 njerëz brenda kshte ndaluar në anë të autostradës, sipas një regjistrimi të marrë nga njw stacion televiziv lokal. Sherifi i Qarkut Bexar Javier Salazar, e përshkroi telefonatën kështu: "Të copëtohej zemra kur i dëgjoje, sepse pas telefonuesit në sfond, dëgjoheshin qartë të tjerët që thërrisnin për ndihmë në spanjisht, duke thënë se nuk po merrnin dot frymë.”