Top News – Ndëshkimet e policisë nuk ndalen/ Gjoba për 1278 qytetarë pa maska, masa per 10 lokale

12/02/2021 15:42

Kontrollet e policisë ndaj respektimit të masave anticovid kanë vijuar në të gjithë territorin e vendit. Gjatë 24 orëve të fundit janë ndëshkuar me masë administrative 1278 shtetas që janë konstatuar pa maskat mbrojtëse. Ndërkohë janë ndëshkuar 10 administratorë subjektesh që kanë zhvilluar aktivitetin në kundërshtim me protokollet e sigurisë dhe 41 shtetas që janë konstatuar duke lëvizur pas orarit të lejuar, që është ora 20 00 e mbrëmjes. ndër gjoobat e policisë me vlerë 3000 lekë për mosmbajtjen e maskës në rrugë janë ndëshkuar 1103 shtetas. Ndërsa nga shërbimet e Policisë Rrugore janë ndëshkuar me të njëjtën masë administrative edhe 175 shtetas të tjerë që udhëtonin në mjete private me persona me të cilët nuk kishin lidhje familjare apo në mjetet e transportit publik, pa vendosur maskën mbrojtëse. Gjatë kontrolleve policia ka ndëshkuar me pezullim të lejes së drejtimit dhe bllokim mjeti, 59 drejtues mjetesh që qarkullonin pa autorizimin përkatës pas orës 20:00. Gjatë kontrolleve janë shoqëruar në ambientet e Policisë, 8 shtetas që nuk kanë pranuar t’i tregojnë efeketivëve dokumentin e identifikimit, dhe pasi e kanë paraqitur janë ndëshkuar me masë administrative 3.000 lekë dhe janë lënë të lirë. Policia e Shtetit u bëri sërish apel qytetarëve dhe drejtuesit e mjeteve që të respektojnë orën policore, të vendosin maskën dhe të ruajnë distancimin social, ndërsa subjektet tregtare, lokalet dhe restorantet të respektojnë protokollet e sigurisë dhe orarin e mbylljes së aktivitetit, për të bërë të mundur shkëputjen e zinxhirit të infektimit.