Fryma e Re Demokratike, i është drejtuar me një letër kryetarit të Bashkisë së Tiranës, Erion Veliaj, kreut të KQZ, Ilirjan Celibashi, dhe ambasadave të SHBA, BE dhe OSBE në Tiranë, lidhur me përplasjen e ndodhur pak ditë më parë në zyrat e kësaj partie. Kryetari Sali Shehu thotë se i janë drejtuar Gjykatës Administrative, e cila do të mbajë një seancë në datën 23 mars. Në letrën, e cila mban firmën e kryetarit Sali Shehu thuhet se “Partitë parlamentare pajisen me ndërtesë për selinë e tyre qendrore dhe zyra vendore. Këtë të drejtë e ka edhe partia politike, mesatarja e votave të së cilës në tri zgjedhjet e fundit parlamentare ka qenë mbi 1 për qind në shkallë vendi”. Më tej në letër sqarohet se: “Nëse partia politike është pajisur me ndërtesë me kontratë huapërdorjeje, sipas këtij ligji, por nuk plotëson kushtet e parashikuara në shkonjën “b” të këtij neni, atëherë ka të drejtën e lidhjes së kontratës së qirasë për ndërtesë, për ta përdorur vetëm për selinë apo zyrat e saj vendore. Pika 2 e nenit 22/1, thotë: Kontrata e huapërdorjes ose pagimi i qirasë, sipas këtij neni, për partitë politike zgjat për aq kohë sa partia politike plotëson kushtet e parashikuara në shkronjën “b” të nenit 22. Për këtë arsye i jemi drejtuar Gjykatës Administrative, e cila në datën 23.03. 2021 do të mbajë një seancë gjyqësorë për shqyrtimin e kërkesës tonë për sigurim padie”. Të ndodhur në këto kushte, FRD thotë se ndërhyja me forcë cënon të drejtën kushtetuese dhe ligjore të subjektit politike.