Është ndarë nga jeta në moshën 82 vjeçare, ish kreu i Gjykatës Kushtetuse Gjergji Sauli. Përmes një njoftimi në faqen zyrtare të Gjykatës Kushtetuse eshtë bërë I ditur lajmi për ndarjen nga jeta të Gjegji Saulit e ku njëkohësisht i shprehen ngushëllimet familjes. Gjykata kushtetuese në njoftimin e saj vë në dukje se me ndarjen nga jeta të Saulit drejtësia shqiptare humbi një nga personalitetet e saj më të shquara. Gjatë karrierës së tij profesionale z. Gjergji Sauli ka shërbyer si gjyqtar, avokat, si lektor në Fakultetin e Drejtësisë të Universitetit të Tiranës dhe në Shkollën e Magjistraturës. “Në vitet 2001 – 2008 z. Gjergji Sauli ka ushtruar funksionin e anëtarit të Gjykatës Kushtetuese të Republikës së Shqipërisë dhe në periudhën 2004 – 2007 ka ushtruar detyrën e Kryetarit të kësaj gjykate, detyra të cilat ai i ka kryer me përkushtim dhe profesionalizëm të lartë. Me ndarjen nga jeta të z. Gjergji Sauli drejtësia shqiptare humbi një nga personalitetet e saj më të shquara. Anëtarët e Gjykatës Kushtetuese, kolegët dhe bashkëpunëtorët e tij i shprehin ngushëllimet më të sinqerta familjes për humbjen e njeriut të dashur”, thuhet në njoftimin e Gjykatës Kushtetuese.