Donald Trump shkaktoi jo pak polemika fundjavën që lamë pas me deklaratat e tij për NATO-n. Ai shkaktoi një stuhi të vërtetë politike me komentet në një tubim në Karolinën e jugut, kur tha: Nëse nuk paguani, jeni keqbërës? Jo, unë nuk do t’ju mbroj ju. Në fakt, unë do ti inkurajoj ata të bëjnë cfarë dreqin të duan, ju duhet të paguani faturat tuaja”. Shtëpia e bardhë menjëherë reagoi duke i quajtur komentet e tij tronditëse dhe të rrezikshme dhe argumentoi se ato promovonion kaos. Sekretari i përgjithshëm i NATO-s tha se cdo sugjerim se aleatët nuk do të mbrojnë njëri tjetrin, dëmton sigurinë e përbashkët dhe rrezikon trupat amerikane dhe evropiane. Por, pavarësisht komenteve shpërthyese, ish presidenti Trump, e ka një të drejtë. Edhe pse NATO ka disa fonde të përbashkëta, ku të gjithë anëtarët kontribuojnë, pjesa më e madhe e fuqisë së saj vjen nga shpenzimet kombëtare të mbrojtjes të vetë vendeve anëtare. Në 2014-ën, aleanca u angazhua të shpenzonte minimumi 2 për qind të GDP cdo vit, për mbrojtjen, dhe pjesa më e madhe e anëtarëve dështuan ta arrinin këtë qëllim vitin e kaluar pavarësisht angazhimit kur rusia aneksoi krimenë nga Ukraina. Sipas vlerësimeve nga korriku i vitit të kaluar, vetëm 11 nga 31 vendet anëtare të NATO-s ishin në rrugën e duhur për të arritur objektivin e 2 për qindëshit, në 2023-shin. E këto vedne ishin Polonia, SHBA, Greqia, Estonia, Lituania, Finlanda, Rumania, Hungaria, Letonia, Britania dhe Sllovakia. Franca dhe gjermania, dy peshat e rënda ekonomike të BE-së dhe anëtarë themelues të aleancës, nuk e arritën 2 për qindëshin duke shpenzuar respektivisht 1.9 dhe 1.567 për qind. Zyrtarët gjermanë thonë se presin të plotësojnë objektivin këtë vit, kjo edhe falë një fondi special prej 1 miliardë eurosh të krijuar si reagim ndaj luftës së rusisë në Ukrainë. Por pavarësisht se nuk e ka arritur këtë objektiv, gjermania është furnizuesja e dytë më e madhe me armë për ukrainën, pas SHBA-së. Por, edhe nëse gjermania rrit shpenzimet e saj të mbrojtjes, mbeten shumë vende të tjera prapa. Shpenzuesit më të vegjël janë spanja, belgjika dhe luksemburgu, respektivisht me 1.26 dhe 0-72 për qind. Ndërsa shqipëria, renditet diku në mes të listës, me 1.76 për qind të GDP-së si shpenzime për mbrojtjen. NATO pritet të publikojë shifrat e reja në ditët në vijim dhe ndoshta do të shihet se më shumë aleatë e kanë arritur objektivin prej 2 për qindësh.