Negociatat për t’i dhënë fund agresionit rus në Ukrainë shënojnë tjetër përparim. Shtetet e Bashkuara të Amerikës shprehën optimiste për bisedimet për marrëveshjen e paqes, ndërsa Ukraina kërkon një takim mes presidentëve Donald Trump dhe Volodymyr Zelensky këtë javë. Shefi i sigurisë së Ukrainës tha se shpreson që Presidenti Zelensky të udhëtojë drejt SHBA në datën më të afërt të përshtatshme brenda nëntorit. Pas bisedimeve frytdhënëse në Gjenevë, mes zyrtarëve amerikanë, evropianë dhe ukrainas, të martën negociatat u zhvendosën me palën ruse. Zyrtarët amerikanë dhe rusë zhvilluan bisedime për planin e paqes që synon t’i japë fund luftës së Moskës në Kiev, teksa Uashingtoni po intensifikon presionin ndaj palëve që të arrijnë një marrëveshje për përfundimin e konfliktit më të madh dhe më të përgjakshëm në Evropë që nga Lufta e Dytë Botërore.