Të burgosurit e luftës në Ukrainë vijnë nga të gjitha anët e botës: Kenia, Nepali , Taxhikistani, apo dhe shtete të tjera. Duke folur gjuhë të ndryshme dhe duke ardhur nga kultura të ndryshme, ata kanë një gjë të përbashkët - thonë se u mashtruan nga Rusia për t'u bashkuar me një luftë në të cilën nuk donin të luftonin. Gati 200 të huaj nga 37 vende janë kapur duke luftuar për Rusinë dhe aktualisht mbahen si robër lufte nga Ukraina, sipas Shtabit Koordinues të Ukrainës për Trajtimin e të Burgosurve të Luftës. Rrëfimet e tyre paraqesin një pamje shqetësuese të mashtrimit, ryshfetit dhe shantazhit që ata thonë se Moska po përdor për të joshur të huajt që t'u bashkohen ushtrisë së saj. Ndërsa Rusia vazhdon të përpiqet të rekrutojë njerëzit e saj për të luftuar në Ukrainë , ajo po i drejtohet gjithnjë e më shumë të huajve për të forcuar ushtrinë e saj.