Agresioni I paprovokuar I Rusisë ndaj Ukrainës dhe lufta e zgjatur mes dy vendeve,ka bërë qëNATO të rishikojë politikën e saj ndaj Rusisë. Lajmi konfirmohet nga mediet ndërkombëtare, teksa ridimensionimi I marrëdhënieve mes NATO-s dhe Rusisë, të nisë nga takimi I ministrave të Mbrojtjes të aleancës. Megjithatë, pavarësisht ndryshimit të tonit, NATO ende e mban gjallë "Aktin Themelues" me Rusinë. Është një dokument i nënshkruar në vitin 1997, gjashtë vjet pas rënies së Bashkimit Sovjetik, që përcakton një qëllim të përbashkët për të "ndërtuar një Evropë të qëndrueshme, paqësore dhe të pandarë". "Është koha që tani të hartojmë një strategji të re në lidhje me pozicionet specifike të aleatëve", tha zyrtari, citon Politico. Më tej, zyrtari amerikan shtoi: "Tani për tani ne duhet të kemi një mirëkuptim në të gjithë aleancën se Akti Themelues dhe Këshilli NATO-Rusi u ndërtuan për një epokë tjetër, dhe mendoj se aleatët janë të përgatitur të thonë se ishte një epokë tjetër në marrëdhëniet tona me Rusinë dhe për këtë arsye nevojitet diçka e re”. Pavarësisht kësaj nuk ka ende një draftë të strategjisë së re.