Vlora si qyteti që priti më shumë hebrenj, do të ketë edhe një vend që do të shënjojë këtë histori. Muzeu Hebraik Shqiptar do të jetë pjesë e pasurisë së Vlorës, në sheshin ku njëherësh ndodhe edhe Muzeu Kombëtar të Pavarësisë, Muzeu Historik dhe Muzeu Etnografik. Kryeministri Edi Rama inspektoi punimet në këtë Muze, teksa kërkoi që të mbarohet para afatit të parashikuar. SINK “Besoj që do e bëni më shpejt se dy vjet apo jo, domethënë besoj që është ndërtim që ka kompleksitet, por nuk është i pamundur që për 8- muaj të bëhet, nga ana ndërtimore. Unë mendoj që kompania për 8-9 muaj e mbyll këtë. Është shumë e rëndësishme që të kuptohet nga të gjithë që ky është një gur i munguar në mozaikun e Vlorës po dhe në mozaikun shqiptar, historia e shpëtimit të hebrenjve nga shqiptarët është një histori e jashtëzakonshme, është një trashëgimi historike,kulturore e jashtëzakonshme për të gjithë ne dhe flet jashtëzakonisht shumë për shqiptarët, qofshin myslimanë apo të krishterë dhe ndërkohë duhet pasur parasysh që me vendosjen e linjës direkte ajrore me Izaraelin që fillon, kërkesa nga Izraeli për të ardhur në Shqipëri turistë, është shumë e madhe.