Ndërsa gara për një vaksinë kundër koronavirusit është e ndezur, shba përballet me një tjetër krizë të mundshme; mungesën e shiringave. Qeveria federale amerikane ka shpenzuar qindra e miliona dollarë me shpresën se do të evitojë një mungesë shiringash nëse dhe kur vaksina e covid 19 të miratohet. Por e gjithë kjo vjen në një kohë kur mungesat e pajisjeve personale mbrojtëse vazhdojnë të cënojnë reagimin ndaj pandemisë. Një vaksinë e mundshme do të merrte miratimin e hershëm jo më shpejt se dimri i 2020. Por liderët e industrisë dhe ekspertët po paralajmërojnë se shba ka vetëm pak kohë për të shtuar rezervat e vaksinave në mënyrë që të përballohet numri i lartë i tyre që nevojiten për vënien në kontroll të pandemisë. Rreziku më i madh për mungesa shiringash nuk do të konkretizohet në valën e parë të një programi të mundshëm baksinimi, por në valën e dytë dhe të tretë, në 2021. Atëherë, prodhuesit duhet të dyfishojnë kapacitetet për të plotësuar kërkesat vetëm në shba. Dhe kjo situatë, e redukton afatin kohor për prodhimin e shiringave në vetëm pak muaj. Ajo që ne i kemi thënë qeverive në botë është se nëse planifikojnë një program imunizimi për covid 19, duhet të porosisin shiringa tani dhe jo të presin deri sa vaksina të jetë gati – thonë prodhuesit.