Ushtria e Vladimir Putinit ka parë muajin më vdekjeprurës të luftimeve që nga fillimi i luftës në Ukrainë. Dërgimi i ushtarëve pa eksperiencë si mish për top në fushëbetejë, ka bërë që mesatarisht 1270 trupa të vrarë të regjistroheshin cdo ditë, gjatë shtatorit, sipas inteligjencës britanike. Mbi 661,000 ushtarë rusë janë vrarë që nga fillimi i luftës në shkurt 2022, thonë Forcat e Armatosura të Ukrainës. Shtatori është muaji më vdekjeprurës deri më tani për Rusinë, me numrin mesatar të viktimave që rritet në 1271 trupa të vrarë ose të plagosur rëndë në ditë, transmeton Telegrafi. Shtatori shënon gjithashtu muajin e pestë radhazi që humbjet ruse shënuan mesatarisht mbi 1000 vdekje ditore, thotë Ministria e Mbrojtjes e Mbretërisë së Bashkuar. Muaji i mëparshëm më i përgjakshëm ishte maji, kur shifra më e lartë ditore e trupave të humbur ishte 1262. Ky vit do të jetë gjithashtu viti më shkatërrimtar për Putinin për sa i takon shifrave. Rusia kishte mesatarisht rreth 172 dhe 559 viktima në ditë në vitin 2022, me shkallën maksimale që arriti në 967 vitin e kaluar, thotë Ministria britanike e Mbrojtjes.