Kushtetuesja vendosi të marrë në shqyrtim tre padi të depozituara nga Partia Demokratike, duke filluar nga kërkesa për shfuqizimin e bordit të ushqimeve, mandatin e deputetes Olta Xhaçka e deri tek padia kundër koncesionit të Parkut të Butrintit. Më 31 Janar pritet të mbahet seanca plenare publike për padinë e 28 deputetëve demokratë, ku do të merren në shqyrtim aktet ligjore mbi të cilat ushtron aktivitetin prej 1 prillit të 2022, bordi i çmimeve të produkteve bazë të shportës. Deputeti demokrat, Dashnor Sula e cilësoi këtë bord antikushtues dhe nën argumentin se zgjidhja e krizës ekonomike qëndron tek ulja e TVSH-së dhe shkrirja e bordit, depozitoi këtë kërkesë në Kushtetuese.