Agjencia kombëtare e shëndetit në danimarkë ka pezulluar përkohësisht vaksinimin me astrazeneca pasi mpiksje gjaku u krijuan tek disa persona që e kishin marrë atë, një prej të cilëve sic raportohet, ka humbur jetën. Agjencia tha të enjten se ajo nuk kishte vendosur një lidhje mes mpiksjes së gjakut dhe vaksinës, por tha se i kishte kërkuar autoriteteve rajonale të ngarkuara me programin e vaksinimit të ndalonin përdorimin e vaksinës së astrazeneca-s përkohësisht. Agjencia tha se ajo do të rivlerësojë situatën në konsultim me agjencinë daneze të barnave brenda dy javësh por nënvizoi se ka prova të besueshme se vaksina është e sigurt dhe efikase. “Ne jemi në mesin e programit më të madh dhe më të rëndësishëm të vaksinimit në historinë daneze”, tha drejtori i agjencisë kombëtare të shëndetit. “Momentalisht ne kemi nevojë për të gjithë vaksinat e mundshme ndaj edhe nuk ëhstë një vedim i lehtë ai i pezullimit të njërës prej tyre”.Por, shtoi ai, pikërisht për shkak të faktit se ne po vaksinojmë kaq shumë njerëz, kemi nevojë që të reagojmë shpejt dhe me kujdes atëherë kur marrim informacione për efekte të mundshme anësore. Ne duhet të qartësojmë këtë cështje para se të vazhdojmë të përdorim vaksinën e astra zeneca-s.Agjencia e shëndetit nuk tha se sa raporte për mpiksje gjaku ka marrë por austria ndaloi përdorimin e një serie të vaksinave të astrazeneca-s ndërkohë që po jeton një rast vdekjeje për shkak të crregullimeve të koagulimit dhe një sëmundje nga embolizmi polmonar. Gjashtë vende të tjera evropiane, mes të cilëve Estonia, letonia, Luksemburgu dhe Lituania, kanë ndaluar po ahstu përdorimin e një serie vaksinash të astrazenecas.