Një aventurë adoleshence ka përfunduar në tragjedi. Një aksident me pasojë vdekjen, ka ndodhur mbrëmjen e së martës në Pezë-Helmes. Një 15-vjeçar duke drejtuar pa leje automjetin, ka humbur kontrollin mbi drejtimin e tij dhe për pasojë makina është përplasur me skarpatën anësore të rrugës duke u përmbysur. Si pasojë e aksidentit, i mituri që drejtonte automjetin ka ndërruar jetë, ndërsa me të udhëtonte dhe një 16-vjeçar. Sipas policisë pasagjeri është dëmtuar dhe ndodhet nën kujdesin e mjekëve, jashtë rrezikut për jetën. Aksidenti ka ndodhur rreth orës 22:10, ndërsa dyshohet se I mituri 15-vjeçar e kishte marrë pa dijeninë e të atit automjetin e tij. Policia vijon punën për dokumentimin dhe sqarimin e plotë të rrethanave të rastit.