Partisë Demokratike do t’i mungojnë 4 deputetë në mocionin me debat të përcaktuar për tu mbajtur këtë të enjte me kryeministrin Edi Rama, të cilin e akuzojnë për përfshirje në çështjen McGonigal, në kurriz të opozitës. Pasi Sekretariati i Etikës në Kuvend vendosi përjashtimin e 6 deputetëve demokratë më 21 shkurt, ku Edmond Spaho, Oerd Bylykbashi, Elda Hoti dhe Sorina Koti u përjashtuan për 10 ditë nga punimet e Kuvendit, këta të fundit nuk mund të jenë në seancën maratonë në të cilën do të zhvillohet mocioni me debat.