Mjeku i cili kreu autopsinë e George Floyd-it pas vdekjes se tij majin e vitit të kaluar, shpjegoi ne gjyqin e policit qw akuzohet se i mori jetwn 46 vjecarit se ajo praktikisht ka qenw njw vrasje nw duart e policisw. Ndërsa anëtarët e jurisë studionin pamjet grafike nga fotot e autopsisë, doktor Andrew Baker, shefi i Departamentit të Mjekësisë Ligjore në kontenë Hennepin, tha se ai i qëndron të njëjtit përfundim në të cilin doli vitin e kaluar mbi vdekjen e afro-amerikanit George Floyd. Baker konsiderohet si një nga dëshmitarët më të rëndësishëm ndërsa prokurorët e zyrës së Prokurorit të Përgjithshëm të Minesotës përfunduan argumentimin e tyre mbi çështjen ndaj ish-punonjësit të policisë Derek Chauvin. Pamjet filmike tregojnë se Chauvin i mbajti gjurin mbi qafë për 9 minuta 29 sekonda Floyd, ndërsa ky i fundit ishte i shtrirë në tokë dhe i prangosur. Avokatët mbrojtës të Chauvin, sugjeruan se Floyd mund të ketë vdekur nga një mbidozë droge që kishte marrë. Por Baker tha se zemra e Floyd pushoi së rrahuri dhe mushkëritë e tij ndaluan së funksionuari sepse Chauvin dhe punonjësit e tjerë të policisë ushtruan forcë mbi të duke i shkaktuar bllokimin e frymëmarrjes.