Mjekëve në qytetin Belg të Liezhit i është kërkuar të vazhdojnë punën edhe nëse ata infektohen nga koronavirusi në mesin e një rritjeje rastesh dhe shtrimesh në spital. Rreth një e katërta e stafit mjekësor atje raportohet se janë të sëmurë me covid 19. Tani, 10 spitale kanë kërkuar që stafi që ka rezultuar pozitiv por që nuk ka simptoma, të vazhdojë punën. Shefi i shoqatës së mjekëve belgë, tha për BBC se ata nuk kishin zgjidhje tjetër për të parandaluar që sistemi shëndetësor të mos pësonte kolaps brenda vetëm pak ditësh. Një në tre persona që testohen, po rezulton pozitiv në qytetin belg. Spitalet po transferojnë pacientë në qytete të tjera dhe po anulojnë operacionet jo urgjente disa ditë pasi ministri i shëndetësisë paralajmëroi se vendi ishte pranë një tsunami infektimesh ku autoritetet nuk mund të kontrollonin më situatën.