Google ka konfirmuar se do ta ndryshojë emrin e Gjirit të Meksikës, që tani e tutje do të quhet në SHBA Gjiri i Amerikës, pas një urdhri ekzekutiv të nënshkruar nga Donald Trump. Sidoqoftë, në hartat e Google Maps ai do të mbetet gjiri i Meksikës për meksikën ndërsa përdoruesit jashtë SHBA-së dhe Meksikës do ti shohin të dy emrat. Edhe emri i majës së Alaskës, Denali, mali më i lartë në amerikën e veriut, do të ndryshojë në malin McKinley në përputhje me urdhërin e firmosur nga Trump më 20 janar. "Ne kemi një praktikë të gjatë të aplikimit të ndryshimeve të emrave kur ato përditësohen nga qeveritë", tha Google në një postim në X. Duke shpjeguar etiketat e ndryshme për gjirin në SHBA, Meksikë dhe pjesën tjetër të fjalës, Google shtoi: “Kur emrat zyrtarë ndryshojnë mes vendeve, përdoruesit e Maps shohin emrin e tyre zyrtar lokal. Të gjithë në pjesën tjetër të botës i shohin të dy emrat. Kjo vlen edhe në këtë rast”. Presidenti amerikan urdhëroi ndryshimin e emrit si pjesë e një morie urdhërash ekzekutivë disa orë pas marrjes së detyrës, duke përmbushur një premtim të fushatës.