Herët në mëngjesin e së premtes, pas një mbledhjeje disa orëshe në Jerusalem, kabineti i sigurisë i Izraelit miratoi një plan për të marrë kontrollin e Qytetit të Gazës. Zyra e kryeministrit Benjamin Netanyahu njoftoi se ky vendim përfaqëson një përshkallëzim të mëtejshëm të operacioneve ushtarake izraelite në Rripin e Gazës. Ndërsa Netanyahu më parë kishte shprehur dëshirën për të marrë kontrollin e të gjithë territorit të Gazës. Sipas mediasve të huaja, ky hap shihet si faza e parë e një pushtimi të mundshëm të plotë të Gazës. Forcat izraelite synojnë të futen në qytetin që ndodhet në veri të enklavës, për herë të parë që prej fillimit të konfliktit.