Përballë një parku lojërash në Los Angeles ku shihej vetëm asfalti gri sot gjejmë një grup shtëpiash të vogla me ngjyrë të ndritshme. Fshati Chandler Street u krijua nga hici për njerëzit e pastrehë dhe është vendbanimi I parë I këtij lloji në metropolin Kalifornian. Amy Skinner, një e pastrehë që prej tre vitesh e kalon natën në park, iu dorëzuan celësat e një prej 39 mini shtëpive vetëm 6 metra katrorë. Ajo u vendos aty bashkë me partnerin dhe qenushin e saj. “Është e ngushtë, por e rehatshme, ka 4 dritare, dy shtretër, rafte dhe kondicioner. Ky është vendi ynë më I lumtur’-shprehet 48 vjecarja pasi konsumon cigaren e mëngjesit në një zonë që as e kishte imagjinuar se do krijohej. Në kohën kur Los Angeles po përballet me një krizë të pastrehurish të cilët I kalojnë 150.000, guvernatori Gavin Newson ka vënë në dispozicion një buxhet prej 2 miliardë dollarësh, ku cmimi për njësi shkon deri në 7500 dollarë. Hapsira ku është krijuar ky fshat ka qenë e përstatshme dhe e pastër për jetesën e banorëve. Shtëpizat janë me ngjyrë të kuqe, të bardhë dhe blu, zgjedhje kjo për të shmangur përshtypjen si zone industriale. Fshatra të tjerë janë planifikuar në pjesë të ndryshme të qytetit.