Një milionë njerëz kanë mbetur pa energji elektrike në Luiziana ndërsa uragani Ida ka humbur tani fuqi duke u kthyer në një stuhi tropikale por duke mbetur sërish i rrezikshëm. Stuhia u shoqërua me erëra që kapnin shpejtësinë e 240 km në orë kur preku tokë dhe njerëzit që nuk u larguan nga shtëpitë e tyre, u këshilluan të strehoheshin në vende të sigurta. Një person humbi jetën kur një pemë ra mbi shtëpinë e tij. Ida do të testojë tani mbrojtjen nga përmbytjet të Neë Orleansit, që u fuqizua pasi uragani Katrina vrau atjhe 1800 persona në 2005-ën. Presidenti Joe Biden, tha se Ida do të ishte jetë kërcënuese, me shkatërrime të mëdha edhe përtej brigjeve. Mbi një milionë shtëpi në Luiziana janë pa energji elektrike dhe presidenti Biden tha se do të duhen javë të tëra për të kthyer furnizimet. Presidenti ka shpallur gjendjen e katastrofës madhore në shtet, duke cliruar fonde ekstra për përpjekjet e shpëtimit dhe rimëkëmbjes. Ida mori fuqi mbi ujërat e ngrohta të Gjirit të Meksikës, gjatë fundjavës. Ajo preku tokë në jug të Nju Orlinsit të dielën, si një uragan i kategorisë katër, cka do të thotë se mund të shkaktojë dëme të rënda në ndërtesa, pemë dhe linja energjie. Por ndërsa u zhvendos më në thellësi të tokës, erërat e Ida-s u dobësuan, cka e bën atë tani një stuhi të kategorisë së parë. Sidoqoftë në shumë rajone priten përmbytje ndërkohë që Nju Orleansi është zhytur edhe në errësirë tashmë.