Dy shqiptarë janë vënë në pranga nga policia britanike, pasi ishin pjesë e një grupi kriminal të trafikut të drogës. Mediat britanike kanë bërë publikë emrat e shqiptarëve, ku shkuhet se ata janë kunetër. Bëhet fjalë për Adi Lleshin dhe Mark Vason. Këta të fundit u kapën duke trafikuar 15 kg kokainë me vlerë 1.2 milionë euro ndërmjet Londrës dhe Brixham, Plymouth, Penzance dhe Bristol. Mediat britanike bëjnë me dije se Lleshi dhe Vaso së bashku me Steven Evans, John Minchinton dhe Tyler Harrison, 3 britanikë të tjerë u dënuan në total me 40 vite burg nga Gjykata Mbretërore e Exeter. Vitin e kaluar Adi Lleshi deklaroi se kryente mijëra km rrugë nga Essex drejt jugperëndimit të Anglisë me automjetin e tij “Mercedes” ku dërgonte çanta me drogë. Gjatë një kontrolli, në 28 nëntor 2019 atij iu gjetën një çantë me 3 kg kokainë me vlerë 270 mijë euro.