Ish-presidenti Ilir Meta do të paraqitet më datë 4 gusht në orën 11:00 në SPAK, ku do t’i komunikohet zyrtarisht mbyllja e hetimeve ndaj tij. Meta, i cili ndodhet në paraburgim që prej 21 tetorit të vitit të kaluar, do të shoqërohet nga ambjentet e paraburgimit nga avokati i tij, Kujtim Cakrani, gjatë kësaj procedure në ambientet e SPAK. E njëjta procedurë u ndoq edhe për ish bashkëshorten e tij Monika Kryemadhi, e cila ëhstë në masën detyrim paraqitje, të dy të akuzuar për korrupsion pasiv, pastrim parash dhe fshehje pasurie. Krahas Metës dhe Kryemadhit, të pandehur janë dhe dy persona, mes tyre edhe ish vjehrra e kreut të Partisë së Lirisë, Fatime Kryemadhi. Kryemadhi dhe Meta, tashmë të divorcuar ligjërisht, akuzohen se gjatë viteve kanë shfrytëzuar pozicionin e tyre për të përfituar pasuri në mënyrë të jashtëligjshme, duke fshehur burimin e saj përmes përdorimit të anëtarëve të familjes.