Presidenti i vendit, Ilir Meta, ka reaguar lidhur me krimet e rënda të ndodhur gjatë ditëve të fundit në mënyrë të përsëritur. Përmes një statusi në Facebook, Meta shkruan se këto ngjarje janë tronditëse dhe jë dëshmi e revanshit që ka marrë krimi në vend. Ai ka akuzuar policinë e shtetit për paaftësi në ushtirimin e detyrës. “Ngjarjet shumë të rënda kriminale, me pasojë dhjetëra humbje jetësh dhe dëmtimin e shëndetit dhe të pronës së qytetarëve, që po ndodhin në mes të ditës, në ambientet publike, në zemër të qendrave urbane, deri edhe pranë institucioneve të larta të sigurisë, janë thellësisht tronditëse dhe një dëshmi e qartë jo vetëm e revanshit të krimit, por edhe e paaftësisë së Policisë së Shtetit dhe të strukturave të tjera të sigurisë dhe të zbatimit të ligjit, për parandalimin e tyre”, thuhet në statusin ekreut të shtetit. Ai u ka bërë thirrje strukturave të rendit dhe ligjit të garantojnë sigurinë e qytetarëve duke luftuar krimin në çdo qelizë të shoqërisë dhe larguar prej saj çdo nëpunës të korruptuar dhe të lidhur element të rrezikshëm .“Në këtë situatë kaq shqetësuese, që ka krijuar një pasiguri të madhe publike, i bëj thirrje Policisë së Shtetit, që në veçanti, ka për mision dhe përgjegjësi thelbësore ruajtjen e rendit dhe të sigurisë, garantimin e zbatimit të ligjit dhe mbrojtjes së jetës dhe pronës së qytetarëve, që të shkundet nga apatia dhe të përmbushë me rigorozitet të gjitha detyrimet e saj ligjore, duke luftuar krimin në çdo qelizë të shoqërisë dhe larguar prej saj çdo nëpunës të korruptuar dhe të lidhur me “botën e errët”,vijon reagimin e tij kreu i shtetit. Ai u ka bërë thirrje të gjitha institucioneve të sigurisë kombëtare, në veçanti Shërbimit Informativ të Shtetit, Policisë së Shtetit dhe Prokurorisë të vendosin një bashkëpunim më të gjerë, më dinamik mes tyre.