Pas shifrave të larta të viktimave dhe të infektimeve ditore, kreu i shtetit Ilir Meta ka ngritur edhe një herë alarmin për situatën e pandimisë në vend duke u shprehur se po shkon drejt një katastrofe kombëtare. Përmes një statusi në rrjetet sociale presidenti meta tha se në një pandemi të rënduar dita ditës, është kriminale të bëhet sehir dhe infektimet e shtuara e humbjete e jetëve të trajtohen thjesht si statistikë. “Vetëm sot janë regjistruar 18 viktima dhe sipas të raportimeve nga terreni, çdo 13 minuta një autoambulancë mbërrin në Spitalin Infektiv COVID-1.Nuk ka asnjë plan konkret për vaksinimin e popullatës, asnjë kusht të përmirësuar në spitale, asnjë masë efektive për parandalimin e përhapjes së pandemisë në popullatë. Situata po shkon drejt një katastrofe kombëtare, që duhet parandaluar pa humbur më kohë”, thuhet në statusin e Metës. Duke u bërë apel autoriteteve, meta thote se mbrojtja e shendeti i qytetareve duhet të jetë aprioritet absolut. “Propagandë duke luajtur me jetët e shqiptarëve nuk mund të ketë dhe nuk do lejohet të ndodhë. I bëj thirrje Qeverisë dhe Ministrisë së Shëndetësisë, që sot, të reflektojnë dhe të kthejnë fokusin vetëm nga qytetarët. Është emergjente ndryshimi rrënjësor i strategjisë antiCOVID pasi masat dhe kufizimet e marra derimë tani nuk po sjellin asnjë rezultat. Nevojitet një strategji e re, gjithëpërshirëse dhe e ndërtuar mbi këshillat e specialistëve më të mirë epidemiologë, virologë e imunologë brenda dhe jashtë vendit”, vijon presidenti në statusin e tij. Ai ka kërkuar shtimin e shpenzimeve publike që lidhen me vaksinimin, testimin , trajtimin e të sëmurëve si dhe furnizimin e qendra spitalore më të gjitha barnat e nevojshme pasi kjo është më e rëndësishme se kurrë. Meta ka kërkuar edhe ndjekjen e politikave fiskale mbështetëse derisa të jetë siguruar dalja nga kjo krizë shëndetësore.