Presidenti Ilir Meta ka dekretuar anëtarin e ri të Gjykatës Kushtetuese. Sipas njoftimit zyrtar të Presidentit, kreu i shtetit ka dekretuar Përparim Kalon si anëtarin e gjashtë të kësaj Gjykate. Menjëherë pasi KED i ka paraqitur propozimin, presidenti nuk ka humbur kohë dhe brenda ditës ka emëruar anëtarin e Gjykatës. Këshilli i Emërimeve në Drejtësi kete te merkure, pas diskutimeve miratoi vendimin për pikëzimin dhe renditjen e kandidatëve të lejuar, Aleksanër Toma dhe Përparim Kalo për vendin vakant në Gjykatën Kushtetuese vakancë e parakohshme, e shpallur nga Presidenti i Republikës në datën 7 shkurt 2018, rishpallur në datën 27 shtator 2019 dhe rishpallur në datën 24 shtator 2020, si edhe listën përfundimtare të renditjes së bashku me raportin përkatës. Presidenti i Republikës, ka administruar nga Këshilli i Emërimeve në Drejtësi, Listën Përfundimtare të Renditjes së Kandidatëve të lejuar për kandidim dhe Raportin e Arsyetuar të Renditjes së tyre për plotësimin e vendit vakant në Gjykatën Kushtetuese (vakancë e parakohshme).