Kryetari i Kuvendit, Gramoz Ruçi përmes një mesazhi përshëndetës ka uruar shqiptarët për 76 vjetorin e çlirimit. Ruçi e konsideron 29 nentorin si një ndër datat më kryelarta në kalendaribne lirisë dhe të shqiptarëve. sipas tijnë 29 nëntor 1944 u kurorëzuaa zgjedhje e drejtë e partizaneve dhe patriotëve shqiptarë që u rreshtuan në krahun e aleatëve të mëdhenj antifashistë. “Është dita që realizoi ëndrrën e çlirimit të atdheut nga pushtuesit, e cila është vepër e çlirimtarëve dhe partizanëve shqiptarë. Çlirimi ishte rezultat i betejave të përgjakshme në malet, luginat, fshatrat dhe qytetet e Shqipërisë. Fitimtarë të Luftës Antifashistë Nacional-Çlirimtare nuk ishin thjesht dhe vetëm partizanët shqiptarë; ishte populli shqiptar; ishte vetë Shqipëria”, thuhet në mesazhin e Ruçit. Sipas tij vlerat antifashiste qëndrojnë në themel të qytetërimit të sotëm europian e perëndimor dhe ato e shtyjnë botën drejt të ardhmes, progresit, paqes dhe zhvillimit. “Kolaboracionizmi, si një kërcënim i lirisë, në format e tij të ndryshme, të vjetra e të reja, tradicionale e moderne, e tërheq botën drejt të kaluarës, pasigurisë, errësirës dhe regresit. Liria nuk është thjesht dhe vetëm fitorja mbi pushtuesit, me maliherët dhe fishekët rrëmbyer armikut. Liria e vërtetë qëndron në dashurinë tonë për të, të trashëguar brez pas brezi. Kombet që dhunojnë lirinë e të tjerëve, nuk e meritojnë lirinë e tyre. Në çdo kohë e në çdo vend, popujt që luftojnë për tu çliruar nuk mund të quhen pushtues, dhe viktimat që luftojnë për liri, drejtësi e dinjitet, nuk mund të quhen agresorë”, thuhet më tej në mesazhin e Ruçit. Sipas kreut të kuvendit Lufta Antifashiste u bë në emër të së sotmes dhe Lufta për lirinë fisnikëron kombin, atdheun, shoqërinë dhe çdo qytetar.