Dhjetëra tanke dhe ushtarë hedhin eksplozivë dhe qëllojnë me automatikë në stërvitjet që po kryhen në ishullin verior të japonisë, Hokkaido, një bastion për vendin që është ndoshta edhe më pak i militarizuari në botë. Në anën tjetër të detit nga rusia rivale, Japonia ka nisur stërvitjet modeste të forcave të saj ushtarake, duke i hapur për mediat, në një dëshmi të fuqisë së vendit që koincidon edhe me përshkallëzimin e kohëve të fundit për shkak të lëvizjeve ushtarake të kinës dhe rusisë përreth territoreve japoneze. Stërvitjet, që gazetarët e huaj kanë rrallë herë shansin ti mbulojnë, do të vazhdojnë për nëntë ditë dhe do të përfshijnë rreth 100 trupa tokësore. Japonia, pavarësisht se ka një kushtetutë paqësore, të shkruar kur kujtimet e luftës së dytë botërore ishin ende të freskëta dhe të dhimbshme, ka një ushtri që shumë vende të tjera do ti vishte me turp. Por ndërkohë që kërcënimet rriten, liderët japonezë duan ta ndryshojnë këtë. E nuk është një mision i lehtë ky. Vendi shihet akoma nën prizëm negativ nga fqinjët për veprimet e shkuara ushtarake ndërkohë që pacifizmi i brendshëm është i lartë dhe forcimi i ushtrisë është një nocion i diskutuar. Japonia është fokusuar tek aftësitë e saj mbrojtëse dhe e eviton madje edhe përdorimin e fjalës ushtri për trupat e saj. Por zyrtarët në tokjo po i shtyjnë tani japonezët drejt përqafimit të idesë së një ushtrie të fortë dhe mbështetjes së shpenzimeve të shtuara në mbrojtje. Me dhjetëra e miliarda dollarë cdo vit, vendi ka ndërtuar një arsenal prej rreth 1 mijë avionësh ushtarakë dhe dhjetëra destrojerëve dhe nëndetëseve. Dhe forca japoneze kështu mund të rivalizojë ato të britanisë dhe francës por objektivi është që të mos ndalet këtu.