Lufta në Ukrainë e vendosi Gjermaninë në një kurs përplasjeje me Shtetet e Bashkuara të Amerikës dhe aleatët europianë për shkak të ngurimit të saj, për të ndihmuar Kievin me armatime, por edhe për të vendosur sanksione më të ashpra ndaj Rusisë. Kësisoj, Gjermania e gjen veten në një pozicion të vështirë për shkak të interesave ekonomike me Rusinë. Për dekada të tëra në Berlin është luajtur një politikë e afrimitetit ekonomik me Rusinë. Por kush është përgjegjës për këtë kurs politik të Gjermanisë? Gazeta e njohur amerikane “Politico” zbulon një listë me 12 emra politikanësh gjermanë, të cilët kanë “flirtuar” me presidentin rus Vladimir Putin, duke bërë hera herës avokatin e Rusisë në skenën europiane. Mes atyre kanë forcuar marrëdheniet me Rusinë, pavërisht krizave të njëpasnjëshme që ajo ka shkaktuar në Evropë. është edhe ish-kancelarja gjermane Angela Merkel. Sipas gazetës amerikane Angela Merkel mban përgjegjësinë më të madhe për krizën në Ukrainë. Si kancelare nga viti 2005 deri në vitin 2021, Merkel ishte forca shtytëse pas refuzimit të NATO-s për të garantuar anëtarësimin e Ukrainës.