Mercenarë rusë me lidhje me spiunët e moskës kanë shtuar praninë e tyre në ukrainë, javët e fundit, duke ndezur frikën mes disa vendeve anëtare të NATO-s se Putin mund të përpiqet të projektojë një pretekst për pushtim, thonë tre burime perëndimore të sigurisë. Ata thonë se shqetësimet e tyre janë forcuar akoma më shumë javët e shkuara se një ndërhyrje në ukrainë mund të paraprihet nga një luftë informative dhe sulme kibernetike mbi infrastrukturën kyce të ukrainës si rrjeti elektrik dhe ai i gazit. Rusia mund të përdorë po ashtu mercenarët edhe për të kërkuar një lloj paralizimi dhe përcarjeje në Ukrainë përmes vrasjeve të shjënjestruara dhe përdorimit të armatimeve speciale – thonë burimet. SHBA paralajmëruan sërish dy ditë më parë se rusia mund të inskenojë operacione fallse brenda ukrainës për të justifikuar një pushtim. “Me gjasë, mercenarët rusë nën drejtimin e shtetit, do të përfshihen në armiqësi në Ukrainë, përfshirë edhe një pretekst për një pushtim”, tha një burim perëndimor për të përditsmen britanike Daily Mail. Dhe e gjithë kjo vjen ndërkohë që e gjithë forca kombëtare e policisë në ukrainë është vënë në gjendje lufte pas frikës se mercenarët rusë të dirigjuar nga moska planifikojnë aktivitete armiqësore.