Forcat Shqiponja kanë arrestuar një 37-vjeçar, I cili qarkullonte me armë zjarri në kryeqytet. I arrestuari është identifikuar si Andi Zoga, banues në Golem. Gjithashtu, u procedua penalisht shtetasja, 35 vjeçe, banuese në Tiranë. Në rrugën dytësore Tiranë-Vorë, shërbimet e Policisë kanë ndaluar automjetin me drejtues shtetasin 37 vjeçar dhe gjatë kontrollit të automjetit, gjetën një armë zjarri pistoletë dhe sasi lënde të dyshuar narkorike kokainë. Në vijim të veprimeve, gjatë kontrollit të çantës së shtetases 35 vjeçare (pasagjere në mjet), gjetën sasi lënde narkotike të dyshuar kanabis, e cila u sekuestrua në cilësinë e provës materiale sëbashku me pistoletën dhe kokainën.