Inxhinierët e prodhuesit të avionëve Aerion me bazë në Florida, kanë për qëllim të nxjerrin në treg mjetin më të shpejtë në botë, ku përkatësisht një fluturim nga Los Angeles në Tokio do të zgjasë më pak se tre orë, nga 9 orë normalisht. Avioni supozohet të transportojë 50 pasagjerë me shpejtësi deri në 6000 km/h. Vizioni ynë është të krijojmë një të ardhme në të cilën njerëzit mund të udhëtojnë midis dy pikave të largëta në botë brenda 3 orësh përmes fluturimeve supersonike., - u shpreh themeluesi dhe shefi I Aerio Tom Vice. Koncepti dhe puna e dizajnit aktualisht është duke u zhvilluar në Superjetin e ardhshëm dhe sipas CNN, detaje të tjera do të komunikohen më vonë këtë vit. Selia e re e Aerion po ndërtohet në Florida. Fluturimi i parë është planifikuar për në vitin 2024 dhe ai duhet të dalë në treg nga viti 2026. Do të jetë avioni i parë supersonik që kur Concorde hyri në shërbim në 1976. Kompania punon me General Electrics, të cilët aktualisht po ndërtojnë "motorin supersonik më të qetë dhe më efikas në histori". Kjo madje plotëson standardin e rreptë për zhurmën e avionëve dhe duhet të jetë në gjendje të përdorë 100 përqind të karburantit sintetik.