Fredi Beleri, kandidati i Sali Berishës për bashkinë e Himarës në zgjedhjet e 14 majit u shfaq ditët e fundit në një foto ku në sfond ishte flamuri me kryq të bardhë të vendosur në një fushë blu dhe në mes një shqiponjë dykrenare të zezë me një tjetër kryq mbi të. Nën këmbët e shqiponjës shkruhet po me të zeza numri 1914. Por çfarë përfaqëson ky flamur? Ai është simboli i të ashtuquajturit ‘Fronti Çlirimtar i Vorio-Epirit’, njohur me akronime si MAVI, ndërsa 1914-ta është viti kur thuhet se është themeluar. Flamuri frymëzohet nga ngjarjet pas shpalljes së Pavarësisë së Shqipërisë, sidomos gjatë udhëheqjes jetëshkurtër të Princ Vidit.