Dy persona janë vënë në pranga nga policia , pasi janë kapur duke qarkulluar me armë zjarri pa leje. Policia bën me dije se në Kamëz u kap shtetasi Arben Laçi, 46 vjeç, banues në Paskuqan. Arrestimi i tij u bë për shkak se gjatë kontollit në banesën e Lacit iu gjet një armë kallashniokov dhe 293 fishekë. Ndërsa nga Komisariati i Policisë Vorë është vënë në pranga një 51-vjeçar që u kap me një armë zjarri automatik dhe një krehër me fishekë. Bëhet fjalë për shtetasin Mehdi Vaka, 51 vjeç, nga Marikaj. Policia bëri me dije se në një serë pranë shtëpisë së tij iu gjet një automatik me 13 fishekë karikator dhe një fishek në fole. Materialet i kaluan Prokurorisë së Rrethit Gjyqësor Tiranë, për veprime të mëtejshme. Ndërkohë vijon puna nga ana e policisë për të bërë të mundur parandalimin, evidentimin dhe goditjen e veprimtarisë kriminale në fushën e armëmbajtjes pa leje.