Ngjarja e cila u raportua fillimisht si vrasje, ka marrë një kthesë të re. Viktima i cili u gjend i pajetë në një lagje në Elbasan, është identifikuar si Ramadan Kupi, 67-vjeç dhe se mësohet të ketë kryer vetëvrasje. Dyshohet se pasi ka prerë damarët viktima është vetëhedhur nga kati i katërt i pallatit, ku dhe ai banonte. Viktima mund të ketë qenë në kushte të rënduara psikologjike dhe sipas ekspertizës mjeko ligjore mësohet se plagët në kokë i ka marrë për shkak të goditjes gjatë rrëzimit. Po ashtu, nga ekspertiza e kryer është konstatuar që ka pasur shtyllën kurrizore të thyer dhe kocka të tjera në trup. Mësohet se në trupin e viktimës janë konstatuar plagë të shumta në trup, ku ka prerje të thella në pjesën e kyçeve të duarve. Po ashtu edhe gjunjët e viktimës janë të dëmtuara. Ai u gjet me duar të ngritura, jo të pozicionuara pas trupit, duke ngritur dyshime se 70-vjeçari mund të jetë vrarë diku tjetër dhe më pas trupi është transportuar për në vendin ku u gjet.