Top News-Mbollën fshatin e Tiranës me hashash/Në pranga 7 persona, mes tyre kryeplaku i një fshati

Është finalizuar me sukses operacioni policor I koduar Kryezi, ku për pasojë 7 persona janë vënë në prangat e policisë, mes tyre edhe një kryeplak i një fshati tjetër, bashkautor i kultivimit të bimëve narkotike. Në prangat e policisë janë vënë, Lulzim Cullhaj 55 vjeç, Dashamir Hasanaj 34 vjeç, Erdit Muca, 21 vjeç, Alfred Muca 31 vjeç, Kadri Gjoshi 32 vjeç, Gert Gjoshi 36 dhe Xhemal Hidri 32 vjec. Mbi këta shetas rëndojnë akuzat, ‘’Kultivim i bimëve narkotike’’ dhe ’’Mbajtja pa leje dhe prodhim i armëve shperthyese dhe i municionit’’. Të arrestuarit në bashkëpunim me njeri- tjetrin kanë kultivuar 120 bime kanabais në territorin e fshatit Kryezi, të cilat u asgjësuan me djegie gjatë operacionit policor. Uniformat blu u shprehën se gjatë kontrolit të ushtruar në banesat e tyre dhe gjate ushtrimit të kontrollit personal u konstatuan dhe u sekuestruan në cilësinë e provës materiale katër armë zjarri, një armë gjuetie, municion luftarak si dhe 11 telefona të ndryshëm, konkretisht, një kallashnikov, dy pushkë , një pistoletë dhe një çifte. Nga hetimet e kryera rezultoi se këta shtetas dyshohet të jenë edhe autorë të tentativës për kultivim po në fshatin Kryezi në vitin 2020. Materialet procedurale do ti kalojnë Prokurorisë së Rrethit Gjyqësor Tiranë, për veprime të mëtejshme.