Që prej ditës së djeshme maska është bërë aksesori më i rëndësishëm që do na shoqërojë pothuajse kudo sapo dalim nga shtëpia. Në ditët e sotme pretendimet e shumë njerëzve që mbajnë maskë është se ajo u shkakton probleme jo vetëm me frymëmarrjen por edhe me lëkurën. Në lidhje me këtë problematikë, ishte e ftuar sot në “Wake Up” në Top Channel mjekja dermatologe, Erjona Shehu, e cila ka theksuar se pavaresisht problematikave, nuk e shmangim dot rendesine e mbrjtjes nga virusi. “Kemi kohë që kemi pacientë me probleme nga mbajtja e maskës, sepse ky shtimi i fashës orare të mbajtjes patjetër që do t’i rrisë problemet. Kanë nisur që me hapjen apo daljen nga karantina. Nga më të ndryshimet si probleme në fakt. Ori përmendi dermatitet, unë do të shtoja një sërë të tjerash, ku më problematiku në rang global janë aknet e krijuara nga maskat. Madje kemi edhe temin e ri tashmë në dermatologji, “maskne” Edhe mjekë të njohur në SHBA, të specializuar në dermatologji kane deklaruar se që nga fillimi i pandemisë, kur njerezit fillian te perdornin maskat, janë shtuar ndjeshëm pacientët që kanë shfaqur probleme në lëkurë, madje edhe vetë doktorët janë shprehur se kanë përjetuar ndryshime në lëkurë.