Top News- Martinaj e dinte që do kontrollohej/ I kërkuari nga policia njoftoi të afërmit që në gusht

Operacioni i polisë së shtetit në Fushë Kuqe të Kurbinit, për të kontrolluar banesën e Ervis Martinajt dhe të xhaxhallarëve të tij, ishte paralajmëruar 5 muaj më parë nga i shumëkërkuari. Dy ditë pas zhdukjes së tij, sipas dosjes hetimore, më datë 11 gusht Martinaj i dërgoi një mesazh xhaxhait të tij Faik Martinajt, babait të Brilantit i cili u vra në atë që është cilësuar si Masakra e Fushë Krujës, ku e paralajmëroi të tregojë kujdes pasi mund të kishte kontrolle në banesa, por pa dhënë më shumë detaje se nga kush do të kryheshin këto kontrolle. Zhdukja e Martinajt çoi në pranga ish-efektivin e operacionales, Jeton Lami. Ky i fundit u prangos pasi nga kamerat filmike të një hoteli në Durrës u pa nën shoqërinë e 41 vjecarit dhe të një vajze që e shoqëronte atë.