Sot pritet që të mbërrijnë në Tiranë 38,400 doza të vaksinës AstraZeneca. Këto doza do të përdoren për vaksinimin e mësuesve në gjithë Shqipërinë. Lajmin e mirë e dha disa ditë më parë kryeministri Edi Rama përmes një postimi në rrjetet sociale. Me këto doza do të vaksinohen mësuesit, proces i cili pritet të nisë të shtunën.Procesi i vaksinimit të mësuesve do të nis fillimisht në Tiranë, më pas procesi do të vazhdojë në qytetet e tjera. “38400 vaksina të AstraZeneca, të siguruara nga qeveria përmes parapagimit nëpërmjet mekanizmit COVAX mbërrijnë sot në Shqipëri dhe do të nisim menjëherë vaksinimin e mësuesve”, shkruan Manastirliu në Tëitter. Shefja e ISHP-së, Silva Bino tha një ditë më parë se kjo vaksinë është e sigurt dhe e efektshme te të gjitha moshat, pa përfshirë ata mbi 65 vjeç. Që nga fillimi i vaksinimit janë kryer në vendin tonë rreth 23 mijë vaksinime me dozat e mbërritura përmes marrëveshjes me kompaninë amerikane Pfizer. Referuar informacionit të publikuar nga ministria e Shëndetësisë mësohet se vaksinimi i stafeve mjekësore në të gjithë vendin është drejt përfundimit.