Mario Metaj, i riu shqiptar që u ekzekutua para disa ditësh në Patra të Greqisë, është vrarë me urdhër të një greku. Policia helene ka arrestuar një qytetar grek, identiteti i të cilit nuk jepet, që akuzohet si urdhëruesi i ekzekutimit të Mario Metajt. Sipas asaj që bëjnë të ditur mediat vendase, greku së bashku me një shqiptar, që qëlloi me pistoletë Marion duke i marrë jetën, ishin së bashku me motor kur i janë afruar makinës ku ndodhej viktima, së bashku me tre shokë të tij. Sipas policisë të dy palët kishin mosmarrëveshje të vjetra dhe dy personat që ishin mbi motor sa i janë afruar makinës kanë filluar sulmin. Fillimisht shqiptari, që është ende në kërkim, ka qëlluar në ajër me pistolete, ndërsa greku ka qëlluar me shufër hekuri një nga 4 personat që ishin në makinë, duke e plagosur ne koke. Më pas greku e ka urdhëruar shqiptarin të qëllojë Marion dhe ky nuk ka hezituar, çka ka sjellë dhe plagosjen e rëndë të 27 vjeçarit, që më pas humbi jetën në spital. Pas arrestimit të grekut që urdhëroi vrasjen, policia ka kontrolluar shtëpinë e shqiptarit që është në kërkim si ekzekutori I Mario Metajt. Në shtëpi është gjendur një pistoletë me 5 fishekë, një pistoletë lodër, 37 gr kanabis, nje peshore elektronike, 6 celularë dhe 205 euro. Ende nuk dihen arsyet e konfliktit mes palëve, por arrestimi i grekut që urdhëroi vrasjen e Marios, pritet të hedhë dritë mbi ngjarjen.