Rusia ka vendosur tanket Terminator vetëm 3 km larg nga kufiri me ukrainën – tregon një video e re. Lëvizja, është më e fundit e Vladimir Putinit dhe vjen ndërsa SHBA ka paralajmëruar se dhjetëra e mijëra njerëz mund të vdesin brenda pak ditësh në rast pushtimi. Imazhet tregojnë autokolonat e ushtrisë ruse, përfshirë raketat dhe tanket, që lëvizin në rajonin kufitar të Belgorodit. Një tren i mbushur me tanke Terminator, të pajisur me armatime dhe të projektuar për të luftuar në qytete, është parë në një video për të parën herë, që lëviz drejt kufirit. Ata janë të aftë të godasin mjetet e blinduara më të lehta armike, tanke të tjera e madje edhe helikopterë e avionë që fluturojnë në kuota të ulëta. Edhe sistemi ajror i mbrojtjes Tor, që funksionon në cdo lloj moti me rreze të shkurtër veprimi, ishte i dallueshëm ndërsa një spital i lëvizshëm ushtarak është parë në Shebekino, afër kufirit. Nën video, titrat: Tmerr..gjithcka mund të ndodhë më pas. Sipas të dhënave të zbulimit amerikan, 200 mijë trupa dhe 500 avionë luftarakë janë vendosur tashmë në distancën e duhur për të nisur një pushtim në cdo kohë. Zyrtarët amerikanë thonë se se në rast sulmi, do të shihnim një masakër të vërtetë. Ata presin dhjetëra e mijëra viktima vetëm në ditët e para të sulmit.