Hyrja në fuqi e vendimit për kriteret e reja të importit të makinave, edhe pas 3 vitesh, vazhdon të krijojë probleme sa I përket zbatimit të tij. Shqiptarët vazhdmisht preferojnë të blejnë makina apo autobuse të përdorur jashtë kufinjve, që nuk plotësojnë kriteret që kërkohen nga Drejtoria e Përgjithshme e Shërbimit të Transportit Rrugor. Shpesh herë, drejtoria e transporit rrugor ngre shqetësimin se janë të shumtë qytetarët që blejnë jashtë makina të përdorura me vit prodhimi para 2005-s apo furgonë dhe autobusë që nuk përmbushin normat që kërkojnë t’i importojnë. Këtë të enjte, përmes një njoftimi Drejtoria e Përgjithshme e Shërbimeve të Transportit Rrugor njofton se ndalohet importi i automjeteve të vitprodhimit më të vjetër se 2007. Sipas rregullave të reja të bëra me dije nga kjo drejtori, blerësit e makinave duhet të tregojnë kujdes kur të blejnë një automjet të ri, pra të shohin me kujdes vitin e prodhimit.