Një automjet në të cilin udhëtonin dy persona përfundoi në përroin e fshatit Dars të Klosit, rreth orës 01.30 të mesnatës, për shkaqe që ende nuk janë zbardhur nga policia. Drejtuesi i automjetit doli nga uji dhe u arratis nga vendi i ngjarjes, duke mos i dhënë ndihmë pasagjerit të cilin dyshohet se e ka tërhequr rrjedha e ujit. Uniformat blu arrestuan Andi Loshën banues në fshatin Fullqet, për shkak se kur iu nënshtrua testit të alkolit rezukltoi në gjendje të dehur. Polumbarët e RENEAS, shërbimet e policisë dhe ato zjarrfikëse janë po kërkojnë në përroin e fshatit Dars me qëllim gjetjen e 30 vjeccarit Jurgen Karaj. Ky i fundit së bashku me Andi Loshën po udhëtonin me një automjet tip Audi me targa angleze, i cili ka dalë nga rruga dhe ka përfunduar në përrua. Paraprakisht shkak për ngjarjen, dyshohet se u bë drejtuesi i automjetit që rezultoi në gjendje të dehur, por kjo pritet të qartësohet më tej nga grupi hetimor. Policia i referoi materialet prokurorisë për nisjen e hetimeve.