Përplasjet mes bandave rivale apo edhe pazaret për ngarkesat e drogës kanë bërë që rrugët e Ekuadorit të tronditen jo pak herë nga të shtënat e armëve që kanë si shënjestër trafikantët e drogës. Mediat vendase të Ekuadorit raportojnë se pak përpara vrasjes së shqiptarit Ergys Dashi në Guajakil, në këtë qytet u shënuan plot 11 viktima në harkun kohor të vetëm 11 orëve. Në artikull argumentohet se për të kuptuar aktet e dhunshme që kanë pushtuar Ekuadorin, duhet të merret në konsideratë një element kryesor në betejën për trafikun e drogës: mafia shqiptare.