Presidenti francez, Emmanuel Macron ka kaluar nga bluja e mëparshme më e lehtë në flamurin francez, tek ajo më e errët. Mediat franceze thonë se Macron donte të kthente blunë më të errët në flamur, një simbol ky i revolucionit francez. Sidoqoftë, të dy versionet, me blu më të lehtë dhe më të errët, janë përdorur në vend për dekada. Marina franceze dhe shumë ndërtesa qeveritare në vend kanë përdorur gjithnjë versionin e dytë, atë të blusë së errët. Por në 1976, nën presidentin Giscard D’Estaing, shteti francez prezantoi një blu më të lehtë në flamurin tre ngjyrësh që u shpalos në selinë e BE. Ai vendim, sipas mediave franceze, ishte pjesërisht një vendim estetik, sepse flamuri francez dhe ai i BE-së valëvizten shpesh pranë njëri tjetrit. Pallati i Elizeut ndërkohë nuk ka bërë komente publike për ndryshimin e flamurit dhe nuk ka lëshuar as një urdhër që institucionet e tjera të zëvendësojnë atë. Ka patur raporte për mosmarrëveshje në lidhje me qëndrimin e Macron me disa që argumentonin se ngjyra e re është e shëmtuar dhe bën kontrast me flamurin e BE-së dhe të tjerë ndërkohë janë nostalgjikë për versionin e para vitit 1976. Franca do të marrë presidencën e BE në janar dhe kontrasti mes dy llojeve të ndryshme të blusë në flamuj, do të jetë më i dukshëm se kurrë.