Presidenti francez, Emmanuel Macron, kërkon një armëpushim të ri mes hamasit dhe ushtrisë izraelite, që më pas do të cojë në një armëpushim afatgjatë. Presidenti francez thotë se do të angazhohet që përpjekjet për arritjen e armëpushimit të intensifikohen. Por më e rëndësishmja është se Macron, për herë të parë, vuri në dyshim publikisht qëllimet e luftës së Izraelit. "Çfarë do të thotë shkatërrimi total i Hamasit dhe a beson dikush se kjo është e mundur? Edhe sikur të ishte e mundur, lufta do të zgjaste dhjetë vjet," tha presidenti i Francës në Dubai. Përgjigja indirekte nga Jeruzalemi erdhi menjëherë. Kryeministri izraelit, Benjamin Netanyahu tha se vazhdimi i ofensivës tokësore në Gaza ishte mënyra e vetme për të "mposhtur plotësisht" Hamasin. "Ne do të vazhdojmë të ndjekim të gjitha qëllimet tona të luftës”, theksoi Netanyahu.