Luksemburgu i është bashkuar listës së gjatë të vendeve që njohin shtetin palestinez. Kryeministri I vendit, Luke Frieden, dhe ministri i jashtëm Xavier Bettel deklaruan se pritet të shpallin vendimin e tyre në Asamblenë e Përgjithshme të OKB-së që do të mbahet në shtator. Ministri tha gjithashtu se do t'i propozonte parlamentit një projekt-ligj që Luksemburgu të marrë masa të mëtejshme dhe të vendosë sanksione kundër Izraelit, sipas mediave vendase. Duhet theksuar se Franca dhe Arabia Saudite po organizojnë një takim mbi njohjen e shtetit të Palestinës gjatë Asamblesë së Përgjithshme të OKB-së që do të mbahet më 22 shtator në Nju Jork. Ndër shtetet tjera që kanë thënë gjithashtu se planifikojnë ta njohin Palestinën në takim janë Australia, Kanadaja, Belgjika dhe Mbretëria e Bashkuar. Sipas Al Jazeera, deri në prill të vitit 2025, rreth 147 vende, që përfaqësojnë 75% të anëtarëve të OKB-së, e kanë njohur shtetin palestinez.